- शाही युवा शक्ति नेपालले रसुवाको भोटेकोशी बाढीपीडित क्षेत्रमा राहत सामग्री वितरण गरेको छ।
- राजी राणाको निजी गुठीसँगको सहकार्यमा ३०० भन्दा बढी नागरिकलाई खाद्यान्न तथा लत्ताकपडा उपलब्ध गराइएको हो।
- पीडितहरूलाई सहयोग पुर्याउने उद्देश्यले संगठनले सातवटा गाडीमार्फत सामग्रीहरू पीडितको हातहातमा पुर्याएको छ।
रतन बहादुर रावल,मुगु।शाही युवा शक्ति नेपाल ले रसुवा भोटेकोशी बाढीपिडित क्षेत्रमा नागरिकहरुलाई तत्काल राहत सामाग्री उपलब्ध गराएको छ ।
राजी राणाको नीजि गुठीसंगको सहकार्यमा शाही युवा शक्ति नेपालले बाढीपिडित स्थान बिदुर, दुंगे, होल्डीङ्ग सेन्टर लगायत क्षेत्रका करिव ३ सय भन्दा बढी नागरिकहरुलाई मंगलबार राहत बितरण गरिएको युवा शक्ति नेपालका महामन्त्री रेशम चन्द्र मल्लले जानकारी गराए ।
महामन्त्री मल्लका अनुसार बाढीपिडित नागरिकलाई बितरण गरिएका राहत खाद्यन्न सामाग्रीहरुमा ४ सय ५० पिस, चामल, १ सय ३० ग्यास चुलो सेट समान,दाल, नुन, तेल, अति आबश्यक भाडाकुडा, लत्ताकपाडा, त्रिपाल, ५० दर्जन भन्दा बढी मिनरल वाटर पानी लगायत रहेको छ ।
राजी राणा नीजि गुठी संगको सहकार्यमा उपलब्ध भएको राहत खाद्यन्न सामाग्रीहरु काठमाडौ बाट ३ वटा ठूला गाडी र ४ वटा साना गाडी गरि ७ वटा गाडीमा लोड गरि शाही युवा शक्ति नेपालको टोली बाढीपिडित क्षेत्रमै पुगेर पिडित परिवारहरुको हात हातमा उपलब्ध गराएको मल्लको भनाई रहेको छ ।
महामन्त्री मल्लले भने राहत समाग्री लिएर बाढीपिडित स्थानमै पुगेर पिडित परिवारजनहरुको हात हातमा उपलब्ध गराएका छौ । बाढी पहिरो बाट बाट धनजनको हानीनोक्सानी ब्यहारिरहेका नागरिकहरुलाई तत्काल राहत मिलोस भन्ने उदेश्यले शाही युवा शक्ति नेपालले यो राहत बितरण गर्ने कामलाई प्राथमिकता दिएको उहाको भनाई छ ।
हिन्दु राष्ट र राजसंस्था पुर्नस्थापनाको निम्ति गठन भएको शाही युवा शक्ति नेपालले रसुवा भोटेकोशी बाढीपिडित क्षेत्रमा नागरिकहरुलाई दुःख कष्टको समयमा राहत बितरण गरेको छ ।
