काठमाडौं – प्रधानमन्त्री निवास बालुवाटारमा नेपाली कांग्रेस, नेकपा (एमाले), र नेकपा (माओवादी केन्द्र) का शीर्ष नेताहरूको बैठक जारी छ। बैठकमा प्रधानमन्त्री एवं एमाले अध्यक्ष केपी शर्मा ओली, नेपाली कांग्रेसका सभापति शेरबहादुर देउवा, र माओवादी केन्द्रका अध्यक्ष पुष्पकमल दाहाल ‘प्रचण्ड’ सहभागी छन्।
यस बैठकमा गृहमन्त्री रमेश लेखक, माओवादी केन्द्रका उपमहासचिव शक्तिबहादुर बस्नेत, र महान्यायाधिवक्ता रमेश वडाल पनि उपस्थित छन्।
बैठकमा संक्रमणकालीन न्यायलाई निष्कर्षमा पुर्याउने विषयमा छलफल भइरहेको छ। सत्य निरुपण तथा मेलमिलाप आयोग र बेपत्ता पारिएका व्यक्तिहरूको छानबिन आयोगको गठन लगायतका विषय बैठकको एजेन्डामा छन्।
यसअघि, सभामुख देवराज घिमिरेको निवासमा पनि शीर्ष नेताहरूबीच संक्रमणकालीन न्यायसम्बन्धी छलफल भएको थियो। बैठकबाट कुनै ठोस निष्कर्ष निस्कने सम्भावना रहेको नेताहरूले बताएका छन्।
