समाचार सारांश
Auto Generated by AI
- केबल बोहराले आफ्नो जन्मदिनको अवसरमा मुगुको लापु नमुना विद्यालयका २५ विद्यार्थीलाई शैक्षिक तथा स्वास्थ्य सामग्री वितरण गर्नुभयो।
- स्वर्गीय आमाबुवाको स्मृतिमा गरिएको यस रचनात्मक कार्यले विद्यार्थीहरूको पढाइ र सरसफाइमा सहयोग पुग्ने विश्वास लिइएको छ।
- जन्मदिनमा फजुल खर्च नगरी विपन्न बालबालिकालाई सहयोग गरेकोमा विद्यालय परिवारले बोहराको उच्च प्रशंसा गरेका छन्।
रतन बहादुर रावल मुगु, साउन १६ ।
आफ्नो जन्मदिनको अवसर पारेर युवा केबल बोहराले मुगुको छायाँनाथ रारा नगरपालिका वडा नम्बर १३ मा रहेको लापु नमुना आधारभूत विद्यालयका विद्यार्थीहरूलाई शैक्षिक तथा स्वास्थ्य सामग्री वितरण गर्नुभएको छ । बोहराले आफ्ना जन्मदिने भगवानरुपी पूजनीय स्वर्गीय आमा-बुवाको सम्झनामा व्यक्तिगत खर्चमा सो सामग्री वितरण गर्नुभएको हो
आफ्नो जन्मदिनको अवसर पारेर युवा केबल बोहराले मुगुको छायाँनाथ रारा नगरपालिका वडा नम्बर १३ मा रहेको लापु नमुना आधारभूत विद्यालयका विद्यार्थीहरूलाई शैक्षिक तथा स्वास्थ्य सामग्री वितरण गर्नुभएको छ । बोहराले आफ्ना जन्मदिने भगवानरुपी पूजनीय स्वर्गीय आमा-बुवाको सम्झनामा व्यक्तिगत खर्चमा सो सामग्री वितरण गर्नुभएको हो
विद्यालयमा आयोजित एक कार्यक्रमका बीच त्यहाँ अध्ययनरत २५ जना विद्यार्थीहरूलाई जनही ४ वटा कापी, ४ वटा पेन्सिल, ३ वटा कटर, ३ वटा इरेजर (मेट्ने), १/१ वटा मन्जन-ब्रस र १ वटा नुहाउने साबुन वितरण गरिएको छ । जन्मदिनमा तडकभडक र फजुल खर्च गर्नुको साटो विपन्न तथा ग्रामीण क्षेत्रका विद्यार्थीहरूको पढाइ र स्वास्थ्यमा टेवा पुगोस् भन्ने उद्देश्यले यो रचनात्मक कार्य गरिएको सहयोगी बोहराले बताउनुभयो ।
शैक्षिक सामग्री वितरण कार्यक्रमलाई सफल पार्न स्वतन्त्र विद्यार्थी युनियन (स्ववियु) का सभापति जय लक्ष्मी रावल, दीर्घ राज सेजुवाल र नगर प्रहरी हवलदार रामकृष्ण रावल विद्यालयमै पुगेर विशेष सहयोग गर्नुभएको थियो । कार्यक्रमलाई व्यवस्थित रूपमा सम्पन्न गर्न महत्वपूर्ण भूमिका खेल्ने उहाँहरू तीनै जनालाई बोहराले विशेष धन्यवाद समेत ज्ञापन गर्नुभएको छ ।
सामग्री प्राप्त गरेपछि विद्यार्थीहरू खुसी भएका छन् भने विद्यालय परिवारले बोहराको यो परोपकारी कार्यको उच्च प्रशंसा गरेको छ ।
