काठमाडौं – सरकारले नेपाल विद्युत् प्राधिकरणको कार्यकारी निर्देशकमा मनोज सिलवाललाई नियुक्त गरेको छ। हाल कार्यकारी निर्देशक रहेका हितेन्द्रदेव शाक्यलाई जल तथा ऊर्जा आयोगमा सरुवा गर्ने निर्णयसहित सिलवाललाई जिम्मेवारी दिइएको हो।
गत चैत ११ गते तत्कालीन मन्त्रिपरिषद्ले प्राधिकरणका कार्यकारी निर्देशक कुलमान घिसिङलाई हटाएर शाक्यलाई नियुक्त गरेको थियो। तर पाँच महिनापछि ऊर्जा मन्त्री बनेका घिसिङकै पहलमा शाक्यलाई सरुवा गरी आफ्ना नजिकका सहयोगी मानिने सिलवाललाई फेरि प्राधिकरणको नेतृत्व दिइएको हो।
- Advertisement -
सिलवाल, घिसिङ कार्यकारी निर्देशक हुँदा प्राधिकरणभित्रका महत्वपूर्ण निर्णयमा नजिकका सहयोगीका रूपमा परिचित थिए।
