
- तिहारपछि खुलेको नेपाली बजारमा सुनचाँदीको मूल्यमा भारी गिरावट आएको छ।
- शुक्रबार छापावाल सुनको मूल्य प्रतितोला १२ हजार ६०० रुपैयाँले घटेको छ।
- चाँदीको मूल्यमा पनि १५५ रुपैयाँले कमी आई प्रतितोला ३ हजार ७०० कायम भएको छ।
काठमाडौ – तिहारपछि खुलेको नेपाली बजारमा सुनचाँदीको मूल्यमा ह्वात्तै घटेको छ।

नेपाल सुनचाँदी व्यवसायी महासंघका अनुसार शुक्रबार (कात्तिक २७) छापावाल सुनको मूल्य प्रतितोला १२ हजार ६०० रुपैयाँले घटेको छ।

योसँगै शुक्रबार छापावाल सुनको मूल्य प्रतितोला २ लाख ७१ हजार ७०० रुपैयाँ कायम भएको छ।

यसअघि गत सोमबार (कात्तिक २३) छापावाल सुनको मूल्य प्रतितोला २ लाख ८४ हजार ३०० रुपैयाँ रहेको थियो।
यसैगरी, शुक्रबार चाँदीको मूल्य पनि घटेको छ। महासंघका अनुसार चाँदीको मूल्य १५५ रुपैयाँले घटेर प्रतितोला ३ हजार ७०० रुपैयाँ कायम भएको छ ।
यसअघि सोमबार चाँदीको मूल्य प्रतितोला ३ हजार ८५५ रुपैयाँ थियो।
