समाचार सारांश
Auto Generated by AI
- मंगलबार देशका २२ जिल्लामा आकस्मिक बाढीको मध्यम जोखिम छ।
- भारी वर्षाले साना तथा ठूला नदीमा बहाव उल्लेख्य बढ्नेछ।
- विशेष गरी पहाडी भेगका नदी तटीय क्षेत्रमा सतर्कता आवश्यक छ।
काठमाडौं।रसुवा र नुवाकोटसहित देशका २२ जिल्लामा मंगलबार पनि आकस्मिक बाढीको जोखिमको पूर्वानुमान गरिएको छ।
बाढी पूर्वानुमान महाशाखाले भारी वर्षासँगै कतिपय साना-ठूला नदीमा पानीको बहाव उल्लेख्य बढ्ने सम्भावना रहेको जनाएको हाे। मंगलबार ताप्लेजुङ, पाँचथर, सुनसरी, मोरङ, तेह्रथुम, संखुवासभा, सोलुखुम्बु, धनकुटा, भोजपुर, खोटाङ, दोलखा, रामेछाप, सिन्धुपाल्चोक, काभ्रेपलाञ्चोक, काठमाडौं, भक्तपुर, ललितपुर, मकवानपुर, रसुवा, नुवाकोट, धादिङ, गोरखा र आसपासका जिल्ला भई बहने स–साना नदीमा बहाव उल्लेख्य बढ्ने पूर्वानुमान गरिएको छ।
सोही जिल्लामा आकस्मिक बाढीको मध्यम जोखिमको सम्भावना रहेको महाशाखाले जनाएको हो। महाशाखाले केही ठूला नदीमा पनि बहाव उल्लेख्य रुपमा बढ्ने पूर्वानुमान गरिएको छ।
