समाचार सारांश
Auto Generated by AI
- गुल्मीमा निस्सी खोलाले बगाएर बेपत्ता भएकी २९ वर्षीया कल्पना पुन मृत फेला परेकी छिन्।
- घटनास्थलबाट एक किलोमिटर तल खोलाको ढुंगामा अड्किएको अवस्थामा उनको शव भेटिएको हो।
- प्रहरी र स्थानीयले शव फेला पारी पोस्टमार्टमका लागि जिल्ला अस्पताल पठाएका छन्।
गुल्मी।गुल्मीमा निस्सी खोलाले बगाएर बेपत्ता भएकी महिलाको शव फेला परेको छ।
मुसीकोट नगरपालिका–५ इन्द्रेगौडाकी अन्दाजी २९ वर्षीया कल्पना पुनको शव सोमबार दिउँसो घटनास्थलदेखि करिब १ किलोमिटर तल ठुलापहिरा भन्ने स्थानमा खोलाको बीचमा ढुंगामा अड्किएको अवस्थामा फेला परेको हो।
प्रहरी टोली र स्थानीयले संयुक्त रूपमा खोजी गर्ने क्रममा दिउँसो पुनको शव फेला परेको थियो।
शवलाई पोस्टमार्टमका लागि जिल्ला अस्पताल तम्घास, गुल्मी पठाइएको प्रहरीले जनाएको छ।
पुन आइतबार साँझ आफ्नो घर मुसीकोट–५ इन्द्रेगौडाबाट माइती इस्मा गाउँपालिका–४ हुल जाने क्रममा निस्सी खोला तर्दा खोलाले बगाएर बेपत्ता भएकी थिइन्।
