समाचार सारांश
Auto Generated by AI
- रुकुमको सानीभेरीमा विद्युतीय गाडीको ठक्करबाट आमाछोरीको मृत्यु भएको छ।
- दुर्घटनामा गम्भीर घाइते आमाछोरीको उपचारका क्रममा जिल्ला अस्पतालमा निधन भयो।
- ठक्कर दिने सवारी र चालकलाई प्रहरीले नियन्त्रणमा लिएको छ।
काठमाडौ – रुकुमको सानीभेरी गाउँपालिका-८ एकान्तस्थित मध्यपहाडी लोकमार्गमा विद्युतीय गाडीको ठक्करबाट आमाछोरीको मृ`त्यु भएको छ।
सिम्लीबाट चौरजहारीतर्फ गइरहेको विद्युतीय सवारीसाधनले मुसिकोट खलङ्गाबाट सुर्खेतर्फ गइरहेको गाडीलाई आज बिहान ठक्कर दिँदा त्यसमा सवार गुल्मीको रुरु क्षेत्र गाउँपालिका-४ बलेटक्सारकी २६ वर्षीया स्वस्तिका पौडेल र उनकी दुई वर्षीया छोरी सान्दिका ज्ञवालीको मृत्यु भएको जिल्ला प्रहरी कार्यालयका सूचना अधिकारी झविन्द्र परियारले जानकारी दिए।
दुर्घटनामा गम्भीर घाइते भएका उनीहरूलाई सल्लेस्थित जिल्ला अस्पताल पुर्याइएकामा चिकित्सकले मृत घोषणा गरेका थिए। ठक्कर दिने विद्युतीय गाडी र त्यसका चालक प्रहरी नियन्त्रणमा छन्
