- आज नेपाली बजारमा सुनको मूल्य प्रतितोला एक हजार रुपैयाँले बढेको छ।
- मूल्य बढेसँगै सुन प्रतितोला दुई लाख ८५ हजार रुपैयाँ कायम भएको छ।
- चाँदीको मूल्यमा पनि वृद्धि भई आज प्रतितोला ४ हजार ३ सय ६० रुपैयाँ पुगेको छ।
आज सुनचाँदीकै मूल्य बढेको छ।
हिजो तोलामा ८ सय बढेको सुनको भाउ थप १ हजार रुपैयाँ बढेर तोलाको २ लाख ८५ हजार रुपैयाँ पुगेको नेपाल सुनचाँदी व्यवसायी महासंघले जनाएको छ।
हिजो सुनको भाउ २ लाख ८४ हजार रुपेयाँ थियो।
यसअघि गएको बुधबार सुनको भाउ तोलामा ५ हजार ३ सय घटेको थियो।
त्यसैगरी आज चाँदीको मूल्य पनि तोलामा ५० रुपैयाँ बढेर ४ हजार ३ सय ६० रुपैयाँ पुगेको छ।
गएको माघ १५ गते सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।
त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।
गएको माघ १५ गते चाँदीको भाउ तोलाको सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।
