समाजसेवामा मुगुका अक्कल बहादुर बोहरा: बिरामीको उपचारदेखि मुगुको शैक्षिक सुधार-सम्म

रतन रावल मुगु, ३१ जेठ २०८३
वैदेशिक रोजगारीका सिलसिलामा देश बाहिर रहेर पनि आफ्नो मातृभूमिको दुःख-सुखमा मलम पट्टी लगाउन मुगुका एक युवा निरन्तर सक्रिय रहँदै आएका छन् । मुगु जिल्ला स्थायी घर भई हाल विदेशमा रहेका समाजसेवी अक्कल बहादुर बोहराले मानवीय सेवा र दुर्गमको शिक्षा क्षेत्र सुधारका लागि चालेको कदम यतिबेला स्थानीय स्तरमा उदाहरणीय बनेको छ ।

पछिल्लो समय एक पीडित बालकको उपचारका लागि बोहराले विदेशबाटै चलाएको राहत अभियानले एउटा परिवारमा नयाँ जीवनको आशा जगाएको छ । आर्थिक अभावका कारण उपचार पाउन नसकेका बालकका बुबाले बोहरा प्रति हार्दिक कृतज्ञता प्रकट गरेका छन् । “मेरो छोराको उपचारका लागि विदेशमा बसेर अथक प्रयास गरी सहयोग संकलन गरिदिनुहुने आदरणीय दाइप्रति हृदयदेखि आभार व्यक्त गर्दछु,” पीडित बुबाले भावुक हुँदै भने, “यहाँको माया, सहयोग र समर्पणले हाम्रो परिवारलाई ठूलो आशा र शक्ति दिएको छ । यो उपकार हामी जीवनभर सम्झिरहनेछौं ।”

अक्कल’कोफिला फाउन्डेसन’ मार्फत शैक्षिक मक्रान्ति समाजसेवी बोहराको यो परोपकारी हात बिरामीको उपचारमा मात्र सीमित छैन । उनीद्वारा स्थापित ‘अक्कल  कोपिला फाउन्डेसन’  Foundation मार्फत मुगुका विपन्न, असहाय र गरिब नागरिकहरूका लागि निरन्तर सहयोग हुँदै आएका बोहरा।विशेष गरी मुगु जिल्लाको शैक्षिक स्तर सुधार्ने संकल्पका साथ फाउन्डेसनका संस्थापक बोहराले जिल्लाका हरेक विद्यालयहरूमा शैक्षिक सामग्री वितरण गर्दै आएका छन् ।

भौगोलिक रूपमा विकट र राज्यको पहुँचबाट टाढा रहेको मुगुका सरकारी विद्यालयहरूमा अध्ययनरत बालबालिकाहरू कापी, कलम र झोला जस्ता न्यूनतम सामग्रीबाट समेत बञ्चित हुनुपर्ने अवस्था छ । यस्तो परिस्थितिमा फिला फाउन्डेसनले विद्यालयमै पुगेर शैक्षिक सामग्री बाँड्न थालेपछि विद्यार्थीको पढाइमा ठूलो टेवा पुगेको स्थानीय शिक्षकहरू बताउँछन् ।

विदेशको व्यस्त समय र परिश्रमका बाबजुद पनि आफ्नो कमाइ र सद्भाव गाउँका गरिब र असहायका लागि खर्चिने बोहराको यो कार्यले प्रवासमा रहेका नेपालीहरूका लागि समेत समाजसेवाको एउटा बलियो प्रेरणा दिएको छ ।