काठमाडौ -प्रतिनिधिसभा सदस्यको निर्वाचनमा पैसा बाँडिरहेको अवस्थामा पक्राउ परेका धनुषा क्षेत्र नम्बर–४ का स्वतन्त्र उम्मेदवार राजकिशोर महरा हाजिर जमानीमा रिहा भएका छन्।
मंगलबार पक्राउ परेका महरालाई धनुषा प्रहरीले बोलाएको बेलामा उपस्थित हुने शर्तमा हाजिर जमानीमा रिहा गरेको धनुषा एसपी रुगम कुँवरले रातोपाटीलाई जानकारी दिए।
उनको साथबाट प्रहरीले ४८ हजार ५ सय रुपैयाँ नगद र पैसासम्बन्धी हिसाब राखिएको डायरी बरामद गरेको छ। एसपी कुँवरका अनुसार, पक्राउ परेपछि महरासँग सम्बन्धित थप अनुसन्धान जारी रहेको छ।