कर्णाली प्रदेश आगामी फागुन २१ गते हुने प्रतिनिधि सभा निर्वाचनलाई लक्षित गर्दै नेपाली कांग्रेस मुगुले जिल्लाका सम्पूर्ण मतदातालाई पार्टीका उम्मेदवारलाई अत्यधिक मतले विजयी गराउन आग्रह गरेको छ । मुगुबाट प्रत्यक्षतर्फ खड्ग बहादुर शाही र समानुपातिकतर्फ भिम बहादुर तिरुवा उम्मेदवार रहेका छन्। पार्टीले यी दुवै उम्मेदवारलाई अत्यधिक मतले विजयी गराई मुगुको विकास यात्रालाई नयाँ उचाइमा पु¥याउन मतदातासँग अपिल गरेको हो ।
पार्टी नेताहरूले मुगुको विकास, सुशासन, स्थायित्व तथा लोकतान्त्रिक मूल्य–मान्यताको संरक्षणका लागि कांग्रेसको जित अपरिहार्य रहेको बताएका छन्। दुर्गम भौगोलिक अवस्थाका कारण पछाडि परेको मुगुलाई सडक, स्वास्थ्य, शिक्षा, खानेपानी र सञ्चार पहुँच विस्तारलाई प्राथमिकतामा राखिएको दाबी गरिएको छ ।
यसैबीच पूर्व वन तथा वातावरण मन्त्री तथा जिल्ला सभापति ऐन बहादुर शाही ले पार्टीभित्र कुनै विभाजन नरहेको स्पष्ट पार्दै कार्यकर्ता र मतदातालाई भ्रममा नपर्न आग्रह गरेका छन्। उनले भने, “मुगु कांग्रेस पूर्ण रूपमा एक ढिक्का छ । केही व्यक्तिले फैलाएका हल्ला र भ्रमका पछि नलाग्न म सम्पूर्ण मतदातालाई अनुरोध गर्दछु । विकास र समृद्धिका लागि हामी सबै एकजुट छौं । उनका अनुसार लोकतन्त्र सुदृढ गर्न र मुगुको समग्र विकासलाई तीव्रता दिन कांग्रेस उम्मेदवारको जित अपरिहार्य छ। उनले कार्यकर्तालाई घरदैलो अभियान प्रभावकारी बनाउन र जनतासँग प्रत्यक्ष संवाद बढाउन निर्देशन दिएका छन् ।
कार्यक्रममा नेताहरूले पार्टीभित्र पूर्ण एकता रहेको र सबै तहका नेता–कार्यकर्ता एक ढिक्का भएर अभियानमा जुटेको दाबी गरेका छन्। घरदैलो कार्यक्रम, टोल–टोल भेला, युवा परिचालन तथा सामाजिक सञ्जालमार्फत जनतासँग प्रत्यक्ष संवाद बढाइएको जानकारी दिइयो । मत विभाजनले विकास रोकिन्छ,” एक नेताले भने, “हामी सबै मिलेर कांग्रेसका उम्मेदवारलाई अत्यधिक मतले विजयी गराउन लागि परेको बताए ।
पूर्व शिक्षा राज्य मन्त्री हस्त बहादुर मल्ल ले विगतमा कांग्रेस नेतृत्वमा सुरु भएका विकास योजनाहरूलाई पूर्णता दिन पुनः कांग्रेसलाई जिताउनुपर्ने बताए । उनले भने, “हामीले अघि बढाएका धेरै योजना अधुरा छन्। ती सम्पन्न गर्न कांग्रेसको निरन्तर नेतृत्व आवश्यक छ। मुगुको समृद्धि र युवाको भविष्य सुनिश्चित गर्न कांग्रेसलाई जिताउनुपर्छ ।
नेपाली काग्रेसका नेता तथा महासमिति सदस्य तिलक बहादुर मल्ल ले संगठन सुदृढीकरण र जनताको विश्वास नै पार्टीको सबैभन्दा ठूलो शक्ति भएको उल्लेख गर्दै सबै नेता–कार्यकर्ता एकताबद्ध भएर चुनावी अभियानमा लाग्नुपर्ने बताए । उनले विकास, पारदर्शिता र जनउत्तरदायित्वलाई प्राथमिकतामा राखेर कांग्रेस अघि बढेको दाबी गरेका छन । मुगुका मतदाता लाई भ्रममा नपरी काग्रेसका उम्मेदवार लाई बिजय गराउन आग्रह गनुभएको छ
उपसभापति हरिजंग शाही ले मत विभाजनले मुगुको विकासमा बाधा पुग्ने भन्दै सबैलाई एक ढिक्का भएर कांग्रेसका उम्मेदवारलाई विजयी गराउन आह्वान गरे ।
उनले भने, “हामीबीचको सहकार्य र एकताले मात्र विजय सुनिश्चित हुन्छ । लोकतन्त्रको रक्षा र मुगुको उज्ज्वल भविष्यका लागि कांग्रेसको जित आवश्यक छ ।
