काठमाडौं । नेकपा (माओवादी केन्द्र), नेकपा (एकीकृत समाजवादी) लगायत १० घटक सम्मिलित वाम एकता सम्मेलनमा माओवादी नेताहरू मोहन वैद्य ‘किरण’, बाबुराम भट्टराई र नेत्रविक्रम चन्द्र ‘विप्लव’को खोजी गरिएको छ।
बुधबार भृकुटीमण्डपमा आयोजित सम्मेलनमा माओवादी कम्युनिस्ट केन्द्रका अध्यक्ष केशव दाहालले यी नेताहरूमाथि नेपाली कम्युनिस्ट आन्दोलनमा पुनः एकीकृत हुन आग्रह गरे।
उनले भने, “कमरेड मोहन वैद्यको नेतृत्वमा रहेको पार्टी, कमरेड विप्लवको नेतृत्वमा रहेका, बाबुराम भट्टराईजस्ता नेताहरू—सबैलाई नेपाली कम्युनिस्ट पार्टीमा आउन आह्वान गर्छु।”
दाहालले फराकिलो वाम एकताको बाटो खुलेको बताउँदै ती नेताहरूलाई “अब भाग्ने छुट छैन” भन्दै देशले फेरि पनि उनीहरूको नेतृत्व खोजिरहेको टिप्पणी गरे।
“हिजोको जनयुद्धमा देशले तपाईंहरूलाई नेता स्वीकार गरेको थियो, आज पनि देशले मोहन वैद्य, बाबुराम भट्टराई र विप्लवको नेतृत्व खोजिरहेको छ,” उनले जोड दिए।
उनका अनुसार, यदि ती नेताहरू एकता कार्यक्रममा सहभागी भएका भए “सुनमा सुगन्ध” थपिने थियो।
जेन्जी आन्दोलन पोछी धेरै पार्टी बिभाजन र एकीकृत भइ रहेका छ्न भने चुनाब आयोगमा समेत नयाँ पार्टी खोल्ने हरुको संख्या बडदै गएको छ ।
