काठमाडौं । सामाजिक सञ्जालमार्फत विवादास्पद अभिव्यक्ति दिएका अभियोगमा डा. निकोलस भुसाललाई प्रहरीले पक्राउ गरेको छ।
प्रहरी नायव उपरीक्षक (डीएसपी) भरतबहादुर विकका अनुसार भुसाललाई गोरखा सदरमुकामस्थित रानीवन क्षेत्रको सरस्वती आश्रमबाट पक्राउ गरिएको हो। उहाँ सोमबार गोरखा आएका थिए।
डीएसपी विकले विशेष सूचनाका आधारमा भुसाललाई नियन्त्रणमा लिइएको बताउनुभयो। “उहाँ सामाजिक सञ्जालमा सार्वजनिक शान्ति सुरक्षामा असर पर्ने किसिमका अभिव्यक्ति दिइरहनुभएको भन्ने सूचनाका आधारमा पक्राउ गरिएको हो,” उहाँले भन्नुभयो।
भुसाललाई प्रारम्भिक सोधपुछपछि थप अनुसन्धानका लागि काठमाडौँस्थित अपराध अनुसन्धान महाशाखा पठाउने तयारी भइरहेको प्रहरीले जनाएको छ।