कपिलवस्तु। मधुबन सामुदायिक वन उपभोक्ता समूह बाडगंगा -८ कपिलवस्तुको ९औँ महाधिवेशनबाट दीपक कुमार सापकोटा अध्यक्षमा विजयी हुनुभएको छ।
- Advertisement -
अध्यक्ष पदका उम्मेदवार सापकोटाले ४०० मत प्राप्त गरी निकटतम प्रतिस्पर्धी अनिता थापालाई १६२ मतको फरकले पराजित गर्नुभएको हो। थापाले २३८ मत, शालिग्राम भुसालले १४३ मत, र गोविन्द पौडेलले १७ मत प्राप्त गरेका छन्।
विजयपछि नवनिर्वाचित अध्यक्ष सापकोटाले भन्नुभयो,“यो जित व्यक्तिगत सम्मानभन्दा बढी जिम्मेवारी हो। उपभोक्ताले देखाउनुभएको विश्वासलाई म कर्मका माध्यमबाट प्रमाणित गर्नेछु। अबको प्राथमिकता वन संरक्षणलाई आधुनिक बनाउने, स्रोतसाधनको पारदर्शी उपयोग गर्ने र हरेक निर्णयमा समुदायको सहभागिता सुनिश्चित गर्ने हुनेछ।”
उहाँले सामुदायिक वनलाई ‘स्थानीय स्वामित्व, सहकार्य र दिगो विकासको केन्द्र’ बनाउने संकल्प पनि व्यक्त गर्नुभयो।
