काठमाडौ – काठमाडौँ महानगरपालिकाले जेन–जी प्रदर्शनका क्रममा घाइते भएकाहरू अस्पताल पुर्याउनका लागि १५ वटा एम्बुलेन्स खटाएको छ ।
मेयर बालेन शाहको सचिवालयका अनुसार घाइतेहरुलाई उद्धारगरी नजिकको अस्पताल लैजान एम्बुलेन्स खटाइएको हो ।
अस्पतालमा घाइतेहरूको सङ्ख्या बढेपछि शैय्या अभावका कारण उपचारमा समस्या भएको देखिएपछि बिरामीलाई अस्पतालसम्म लैजाने एम्बुलेन्स खटाएको र नगर प्रहरीले सहयोग गरिरहेको जनाइएको छ ।
यस्तै सबै अस्पतालमा घाइतेहरुका लागि पिउने पानी र खानाको व्यवस्थापन समेत महानगरले गर्ने सचिवालयले जनाएको छ ।
