रुपन्देही । रुपन्देहीको गैडहवा गाउँपालिकाले भदौ १५ गते आईतबारका दिन बड्की आईतबार पर्वको अवसरमा स्थानीय विदा दिने निर्णय गरेको छ।
गाउँपालिकाले प्रकाशित गरेको सूचनामा अत्यावश्यक सेवाबाहेक गाउँपालिकाभित्रका सबै वडा कार्यालय, स्वास्थ्य संस्था तथा विद्यालयहरूमा विदा रहने उल्लेख गरिएको छ।
यस अवसरमा गाउँपालिका अध्यक्ष सुरेन्द्र पौड्यालले बड्की आईतबार पर्वले सामाजिक सद्भाव, मेलमिलाप र एकताको सन्देश दिने बताउँदै सम्पूर्ण स्थानीयवासीमा शुभकामना व्यक्त गर्नुभयो। उहाँले यस पर्वले गाउँपालिकाभित्रको सामाजिक एकता झनै प्रगाढ बनाउन मद्दत गर्ने विश्वास व्यक्त गर्नुभयो।
त्यस्तै, गाउँपालिकाका प्रमुख प्रशासकीय अधिकृत रोमनाथ न्यौपानेले बड्की आईतबार पर्वको महत्वबारे बताउँदै यसले सहकार्य, सद्भाव र साझा सांस्कृतिक पहिचानलाई मजबुत बनाउन भूमिका खेल्ने विश्वास व्यक्त गर्नुभयो। उहाँले यस पर्वले समुदायबीचको सम्बन्धलाई अझ मजबुत बनाउने बताउँदै सम्पूर्ण स्थानीयवासीलाई सुख, शान्ति र समृद्धिका शुभकामना व्यक्त गर्नुभयो।
