दिनेश खत्रि
काठमाडौं । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले काठमाडौंको भृकुटीमण्डपमा जारी नाडा अटो शो–२०८२ को अवलोकन गरेका छन्।
बुधबार बिहान मेलास्थल पुगेका प्रचण्डले विभिन्न कम्पनीका नयाँ मोडेलका सवारी साधन र विद्युतीय गाडीबारे जानकारी लिएका थिए। सो क्रममा उनले प्रदर्शनीको मुख्य आकर्षण बनेको ‘उड्ने कार’ पनि नजिकबाट अवलोकन गर्दै विशेष चासो देखाएका हुन।
आयोजकका अनुसार यस वर्षको अटो शोमा दुईपांग्रे, चारपांग्रे, विद्युतीय सवारी साधनदेखि अत्याधुनिक प्रविधियुक्त गाडीहरूको प्रदर्शन गरिएको छ।
मेलाले अटोमोबाइल क्षेत्रबारे जनसाधारण, विशेषगरी युवाहरूमा जागरुकता र उत्साह बढाउने विश्वास लिइएको छ।
नेपालमा पहिलोपटक सार्वजनिक रूपमा प्रदर्शन गरिएको ‘उड्ने कार’ दर्शकहरूको आकर्षणको केन्द्र बनेको छ।