बुटवल,
बुटवल उपमहानगरपालिकाले नगर कार्यपालिकाको वार्षिक कार्यक्रमअनुसार युवालाई स्वरोजगार बनाउनका लागि निःशुल्क तालीम सञ्चालन गर्ने भएको हो ।
- Advertisement -
‘मेयर युवा रोजगार प्रवर्द्धन’ कार्यक्रमअन्तर्गत आधुनिक प्रविधि र सीपमूलक तालीममार्फत दीगो रोजगार सिर्जना गर्ने उद्देश्यले यो तालीम खुला गरिएको हो।
स्वरोजगार बन्न इच्छुक युवाहरुलाई आवश्यक सीप प्रदान गरी आत्मनिर्भर बनाउन नगरपालिकाले योजना अघि सारेको छ।
यसका लागि इच्छुक युवाले २०८२ भदौ १ गतेदेखि १५ गतेसम्म वडा कार्यालय वा बुटवल उपमहानगरपालिकाको रोजगार शाखामा दरखास्त पेस गर्न सक्ने नगरपालिकाले जनाएको छ।
आवेदन फाराम निःशुल्क उपलब्ध हुने र वडा कार्यालय तथा नगरपालिका वेबसाइट https://butwalmun.gov.np/ मार्फत पनि प्राप्त गर्न सकिने जानकारी दिइएको हो ।
