अर्घाखाँची, — पत्रकार सगर महत, जो हाल विभिन्न टेलिभिजन, रेडियो तथा अनलाइन मिडिया संस्थासँग आवद्ध रहँदै आएका छन्, वन डढेलो नियन्त्रण तथा वन संरक्षणमा उल्लेखनीय योगदान पुर्याएको भन्दै डिभिजन वन कार्यालय अर्घाखाँचीबाट सम्मानित भएका छन्।
वन डढेलो नियन्त्रणका सन्दर्भमा निरन्तर रिपोर्टिङ, जनचेतनामूलक कार्यक्रम प्रसारण, अन्तरवार्ता तथा तथ्यपरक समाचारमार्फत उनले समुदायमा चेतना फैलाउने कार्य गर्दै आएका छन्। विशेषगरी स्थानीय तहसम्म संचार माध्यमको प्रभावकारी उपयोग गर्दै महतले वन संरक्षणप्रति जनजागरण अभिवृद्धिमा महत्वपूर्ण भूमिका खेलेका थिए सोही अनुरुप उनी समानित भएका हुन ।
डिभिजन वन अधिकृतले कार्यक्रमका क्रममा भने, “सगर महतजस्ता सञ्चारकर्मीको सक्रिय संलग्नतामा वन डढेलो नियन्त्रण अभियान केही हद हामी नियन्त्रणमा गर्न सफल भएका छौ । उहाँको कार्यले समुदायमा सजगता बढेको उल्लेख गरेका थिए ।
सम्मान ग्रहण गर्दै पत्रकार महतले भने, “सञ्चारको माध्यमबाट समाजमा सकारात्मक परिवर्तन ल्याउन सकिन्छ भन्ने मेरो विश्वास हो। वन संरक्षणजस्ता विषयमा जनचेतना जगाउनु मेरो पेशागत दायित्व मात्र होइन, नैतिक जिम्मेवारी पनि हो।”उनि बताउछन् ।
सम्मान कार्यक्रममा पत्रकार महासंघका प्रतिनिधि, स्थानीय सञ्चारकर्मी, सरोकारवाला निकायका व्यक्तित्वहरू र वन कार्यालयका अधिकारीहरूको उपस्थिति रहेको थियो।
