खिम खड्का
१३ चैत्र, बुटवल | पश्चिम नवलपरासीको बर्दघाटमा स्कुल वस र यात्रुवाहक बस एकआपसमा ठक्कर खादा १० जना घाईते भएका छन्।
पश्चिम नवलपरासीको बर्दघाट नगरपालिका वडा नं २ र ४ को सिमानामा पर्ने चिसापानी सामुदायिक अस्पताल अगाडी भएको दुर्घटनामा बिद्यार्थी २ वटा बसका चालक मोटरसाइकल चालक र केही यात्रु सहित १० जना घाईते भएको ट्राफिक प्रहरी कार्यालय नवलपरासीका प्रमुक प्रहरी निरिक्षक अमृत भण्डारीले बताए ।
घाइतेहरु ५ जना मध्यम र ५ जना सामान्य रहेको र उनिहरुको अवस्था खतरामुक्त रहेको प्रहरी निरिक्षक भण्डारीले बताए । उनिहरुको चिसापानी अस्पतालमा उपचार भैरहेको र मध्यम विधार्थी सहित केहीलाई भैरहवा मेडिकल कलेज भैरहवामा पठाउने तयारी गरिएको प्रहरीले बताएको छ ।
नवलपरासी सुस्ता गाउपालिका प्राविधीक बिरेन्द्र मण्डल चढेको बा २ ब ६५४९ नम्वरको मोटरसाईकलले अचानक सडक पार गरेपछि सुर्खेतबाट पोखरा तर्फ जादै गरेको ग २ ख १५७४ नम्वरको बसले उक्त मोटर साईकललाई ठक्कर दिएको थियो।
मोटरसाईकललाई ठक्कर दिएको उक्त यात्रुवाहक बस अनियन्त्रीत भई सडकमा रोकेर बिद्यार्थी चढाउदै गरेको बर्दघाट नगरपालिका वडा नं १२ भुताहको ग्लोवल एकेडेमीको लु १ ख ८७० नम्वरको बसलाई ठक्कर दिएको थियो । दुर्घटनाको थप अनुसन्धान भैरहेको प्रहरीले बताएको छ ।
