काठमाडौ -“सरकारले राष्ट्रिय प्रजातन्त्र पार्टी (राप्रपा)का तीन जना सांसदहरूको पर्सनल सेक्युरिटी अफिसर (पीएसओ) फिर्ता बोलाएको छ। १४ जेठमा प्रमुख सचेतक ज्ञानेन्द्र शाही, सांसद ध्रुवबहादुर प्रधान र दीपक सिंहको पीएसओ फिर्ता गरिएको हो ।
ज्ञानेन्द्र शाहीले पीएसओ फिर्ता गरिएको विषयमा प्रतिक्रिया दिँदै संसदमा सबै सांसदहरू बराबर हुनुपर्नेमा जोड दिएका छन्। उनले भने, “सरकारले पीएसओ खोसेको छ। संसदमा सबै सांसदहरू बराबर हुनुपर्थ्यो। तर भएन” ।
यसअघि, गृहमन्त्रीको निर्देशनमा केही नेताहरूलाई कार्यविधि विपरीत पीएसओ उपलब्ध गराइएको विवरणहरू सार्वजनिक भएका थिए। यसले सरकारको निर्णय प्रक्रियामा र निष्पक्षता माथिनै अहिले प्रश्न उठाएको छ ।
ज्ञानेन्द्र शाही राप्रपाका प्रमुख सचेतक हुन् र जुम्ला १ बाट प्रतिनिधि सभामा निर्वाचित भएका छन् । उनले राजसंस्थाको पुनःस्थापनाको पक्षमा आवाज उठाउँदै आएका छन्, साथै राप्रपाले यहीँ १७ गतेदेखि ठुलो आन्दोलनको घोषण समेत गरेका छ्न ।