एजेन्सी – वैज्ञानिकहरूले चामलको दानाभन्दा पनि सानो आकारको पेसमेकर अर्थात् मुटुको धड्कन नियन्त्रक बनाएका छन् ।
यसलाई घुलनशील गर्नुअघि प्रकाशले इन्जेक्ट र नियन्त्रण गर्न सकिने उनीहरूले बताएका छ्न अन्तर्राष्ट्रिय समाचार संस्था एएफपीले जनाएको छ । विश्वकाे सबैभन्दा सानाे पेसमेकर मानिसमा परीक्षण हुन अझै समय लाग्ने वैज्ञानिकहरूको भनाइ छ ।
अमेरिकाको नर्थवेस्टर्न युनिभर्सिटीका वरिष्ठ अध्ययन लेखक जोन रोजर्सले पेसमेकर दुईदेखि तीन वर्षमा मानिसमा परीक्षण गर्न सकिने अनुमान गरिएको बताउनुभयो । तर चिकित्सकीय क्षेत्रमा वायरलेस पेसमेकरको आविस्कार रूपान्तरणकारी प्रगतिका रूपमा लिन सकिने उहाँको दाबी छ ।
विश्वभर लाखौं मानिसमा स्थायी पेसमेकर छन् तर सबैले विद्युतीय आवेगमार्फत मुटुको धड्कन सामान्य भएको सुनिश्चित गर्ने काम गर्छन् ।
आवश्यक नपरेको बेला फेरि शल्यक्रियामार्फत तारसहित तिनलाई निकाल्नुपर्ने बाध्यता हुन्छ । तर नयाँ बनेको पेसमेकरले वयस्कहरूलाई मुटुको शल्यक्रियाबाट निको भएपछि सामान्य मुटुको धड्कन पुनर्स्थापित गर्न पनि मद्दत गर्न सकने छ ।
यस्तै जन्मजात मुटुसम्बन्धी समस्या भएका बच्चाहरूलाई पनि नयाँ अस्थायी पेसमेकर सहयोगी भएको अमेरिकी नेतृत्वको अनुसन्धानकर्ताहरूले जनाएका छ्न ।
अहिले भर्खरै विकसित पेसमेकर वायरलेस छ र आवश्यक नभएको बेलामा शरीरमा नै घुलनशील हुने गरी डिजाइन गरिएको बताइएको छ यसबाट बिरामीहरूलाई घरिघरि शल्यक्रिया गर्नुपर्ने अवस्थाबाट बचाउने अपेक्षा गरिएको छ ।