काठमाडौँ, १५ बैशाख – प्रधानमन्त्री केपी शर्मा ओलीले आज सोमबार साँझ ५ बजे मन्त्रिपरिषद् बैठक बालुवाटारमा आह्वान गरेका छन्। बैठकमा मन्त्रालयहरूबाट प्रस्तुत भएका नियमित प्रस्तावमाथि छलफल तथा निर्णय गरिने बताइएको छ ।
साथै, हाल आन्दोलनरत रहेका शिक्षक तथा सरकारी कर्मचारीहरूले उठाएका मागहरूबारे पनि बैठकमा विशेष छलफल हुने बताइएको छ। बैठकले शिक्षक–कर्मचारीका माग सम्बोधनका लागि आवश्यक निर्णय लिने अपेक्षा गरिएको छ।
सरकार र आन्दोलनरत पक्षबीच हालसम्म वार्ता सफल हुन नसकेपछि मन्त्रिपरिषद् बैठकले रणनीति तय गर्ने सम्भावना रहेको बताइएको छ। हिजो मात्र शिक्षक र प्रहरी बीच दोहोरो झडप भएको थियो ।
