खिम खड्का
११ वैशाख बुटवल । Cloth and Food Bank Nepal ले रुपन्देही को तिलोत्तमा मा रहेको आफ्नै कार्यालयको परिषर भित्र कपडा बैङ्कको स्थापना गरेको छ । कपडा बैंकको आज एक आर्यक्रमको बिच नेपाल प्रहरीका AIG दान बहादुर कार्कीले शुभारम्भ गरेका हुन ।
Cloth and Food Bank Nepal द्धारा सञ्चालित कपडा बैङ्कको उद्धघाटन गर्दै AIG कार्कीले सामाजिक सेवाको भाव सहित हुनेले दिने र नहुनेले लिने महान उदेश्यको साथ नागरिक तहवाट सुरु गरिएको यो अभियान अत्यन्तै महत्वपुर्ण रहेको बताउनुभयो ।
उहाँले यो अभियानमा नेतृत्व गर्ने कमल जि सी सहित आवद्ध सबैलाइ धन्यवाद व्यक्त गर्दै सबैलाइ यो कार्यमा निस्वार्थ तवरले लाग्न आग्रह समेत गर्नुभयो ।
Cloth and Food Bank Nepal का संस्थापक तथा अध्यक्ष कमल जिसीले कपडा बैङ्कको स्थापना गर्नुको उदेश्य र कार्यक्रमको बारेमा AIG दान बहादुर कार्की सहित उपस्थित सबै सामु धारणा व्यक्त गर्नुभएको थियो ।
कार्यक्रमकै बिचमा कपडा बैङ्कका अध्यक्ष कमल जि सि ले भर्खर मात्रै DIG बाट AIG मा पदोन्नति हुनुभएका दान बहादुर कार्कीलाई सम्मान सहित बधाइ तथा सफल कार्यकालको शुभकामना दिएका थिए ।
२०८० फागुन ५ गते बुटवलबाट सुरु भएको कपडा बैंक अभियानले “आफ्नो घर, टोल र समाजलाई सफा राखौँ, कोही कपडा विहीन नरहून्” भन्ने उद्देश्य लिएको छ ।
बाढी, पहिरो र आगलागीजस्ता विपद्मा सहयोग पुर्याउँदै आएको कपडा बैंकले सामाजिक सहयोग र सहानुभूति प्राप्त गर्नुका साथै फोहोर व्यवस्थापन, आर्थिक उपयोगिता, राष्ट्र निर्माणमा योगदान र संसाधनको सही उपयोगमा पनि टेवा पुर्याइरहेको अध्यक्ष जिसीले बताए । प्रयोगमा नआएका सामग्री पुनः प्रशोधन गरेर आवश्यक पर्नेहरूलाई निःशुल्क वितरण गर्ने लक्ष्यसहित बैंक सञ्चालन गरिएको हो ।
कपडा बैंक सञ्चालनको अवधि १० वर्षका लागि तोकिएको छ । पाँच देखि सात सय किलो कपडा राख्न मिल्ने बक्सहरू राखिने छन् । बैंकले कपडा संकलन, सर्टिङ, वासिङ, सेनिटाइजिङ, प्याकेजिङ र वितरण जस्ता कार्य गर्नेछ ।