रुपन्देही – बुटवलमा अबैध डिजिटल मुद्रा कारोबारमा संलग्न रहेको आरोपमा तीन जना पक्राउ परेका छन्। 1x Bet, Binance, र Mopcash जस्ता एपहरू प्रयोग गरी अवैध रूपमा आर्थिक कारोबार गरेको आरोपमा प्रहरीले विशेष सूचनाको आधारमा उनीहरूलाई नियन्त्रणमा लिएको हो।
इलाका प्रहरी कार्यालय बुटवलले नेपाल टेलिकम नजिकैको सर्भिस लेनबाट जिसान मिया (२३), सुरज कसौधन (२९) र ईमरान खान (३०) लाई पक्राउ गरेको छ। उनीहरूको साथबाट विभिन्न बैंकका चेकबुक, पाँच वटा मोबाइल फोन, र चार लाख पचास हजार नगद बरामद गरिएको प्रहरी प्रवक्ता सुरज कार्कीले जानकारी दिएका छ्न ।
पक्राउ परेकाहरूमाथि अदालतबाट म्याद थप गरी अनुसन्धान भइरहेको छ। प्रहरीले अवैध डिजिटल मुद्रा कारोबार नियन्त्रण गर्न कडा निगरानी राखिएको जनाएको छ।