काठमाडौँ – राष्ट्रिय स्वतन्त्र पार्टी (रास्वपा) का सभापति तथा पूर्व गृहमन्त्री रवि लामिछाने सहकारी ठगी प्रकरणमा जिल्ला अदालत चितवनमा उपस्थित भएका छन्। सहारा चितवन सहकारी संस्थाको रकम हिनामिना प्रकरणमा उनीविरुद्ध २ करोड ७० लाख रुपैयाँ बिगो कायम गर्दै मंगलबार मुद्दा दर्ता भएको थियो।
मुद्दा दर्तापछि लामिछाने बुधबार बिहान अदालत पुगेका हुन्। अदालतमा उपस्थित भएपछि आजै उनको बयान सुरु हुनेछ, जसपछि थुनछेक बहस प्रक्रिया अघि बढ्नेछ।
चितवन जिल्ला अदालतमा सहकारी ठगी मुद्दा दर्ता भएसँगै लामिछानेको कानुनी लडाइँ जटिल मोडमा पुगेको छ। अदालतको आगामी निर्णयले यो प्रकरणमा थप स्पष्टता आउनेछ।
