अर्घाखाँची, – हिजो रातिदेखि निरन्तर चलेको भीषण हावाहुरीका कारण अर्घाखाँची जिल्लामा ठूलो मात्रामा क्षति पुगेको छ। जिल्ला प्रहरी कार्यालय अर्घाखाँचीको रिपोर्ट अनुसार, बिहीबार दिउँसो ३ बजे सम्मको विवरणमा एक जनाको मृत्यु हुनुका साथै थुप्रै भौतिक संरचनामा क्षति पुगेको पुष्टि गरिएको छ।
हावाहुरीका कारण २८ घरका छाना उडेका छन् भने ३ वटा गोठ, २ वटा विद्यालय र ३ वटा कुखुरा फम पूर्ण रूपमा क्षतिग्रस्त भएका छन्। साथै, २ वटा फर्निचर र अन्य पसलहरू पनि हावाहुरीले क्षति पु-याएको जनाइएको छ।
स्थानीयहरूका अनुसार राति करिब ११ बजेदेखि शुरु भएको हावाहुरी बिहानसम्म कायम रहँदा धेरै घरपरिवार खुला आकासमुनि बस्न बाध्य भएका छन्।
स्थानीय प्रशासन र सुरक्षा निकायहरूले उद्दार तथा राहत कार्य तीव्र पारेका छन्। यद्यपि, अझै पनि केही स्थानहरूबाट क्षतिको विवरण आउन बाँकी रहेको जनाइएको छ।
