काठमाडौं । हाल देशमा उल्लेखनीय मौसमी प्रणालीको प्रभाव नरहेको जल तथा मौसम विज्ञान विभागले जनाएको छ। देशका पहाडी भूभागमा आंशिक बदली रही बाँकी भागमा मौसम मुख्यत: सफा रहनेछ।
विभागका अनुसार दिउँसो कोशी, बागमती र गण्डकी प्रदेशका पहाडी क्षेत्रमा आंशिक बदली रहनेछ भने अन्य भूभागमा मौसम खुला रहनेछ। राति पनि कोशी र गण्डकी प्रदेशका पहाडी भागमा आंशिक बदली रहने अनुमान गरिएको छ।
आगामी २४ घण्टासम्म वर्षा वा हिमपात गराउने कुनै विशेष मौसमी प्रणाली सक्रिय नरहेको विभागले जनाएको छ। साथै, मौसमसम्बन्धी अद्यावधिक जानकारी लिएर मात्र यात्रा वा अन्य योजना बनाउन विभागले सर्वसाधारणलाई आग्रह गरेको छ।
