खिम खड्का
२४ माघ बुटवल – बुटवलमा टिपरको ठक्करबाट एक जनाको ज्यान गएको छ। आज बिहान ९:५५ बजेतिर बुटवलको नेपालगन्ज रोडमा टिपरले मोटरसाइकललाई ठक्कर दिँदा मोटरसाइकल चालकको मृत्यु भएको हो।
- Advertisement -
बुटवलबाट पश्चिमतर्फ जाँदै गरेको लु २ ख ३३३६ नम्बरको टिपरले सोही दिशातर्फ जाँदै गरेको लु ४१ प १५२८ नम्बरको मोटरसाइकललाई पछाडिबाट ठक्कर दिए पछि मोटरसाइकल चालक रुपन्देहीको तिलोत्तमा १६ बस्ने ४५ बर्षिय उमेश बहादुर भण्डारीको मृत्यु भएको नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवलका प्रहरी निरिक्षक इश्वरी अधिकारीले बताउनुभयो ।
ठक्करबाट गम्भीर घा`इते भएका मोटरसाइकल चालकलाई घट`नास्थलदेखि नजिकै रहेको लुम्बिनी प्रादेशिक अस्पतालमा लगेकोमा अस्पतालले मृत घोषणा गरेको प्रहरी निरिक्षक अधिकारीले जानकारी दियका हुन ।
