
- आइतबार नेपाली बजारमा सुनको मूल्य तोलामा २ हजार ८०० रुपैयाँले घटेको छ।
- चाँदीको मूल्य पनि तोलामा ४५ रुपैयाँले घटेर ३ हजार ६५ रुपैयाँ कायम भएको छ।
- बैंकहरूले सुन आयात नगर्दा बजारमा सुनको चरम अभाव देखिएको छ।
काठमाडौ – हप्ताको पहिलो दिन आज आइतवार पनि सुनचाँदीको भाउ घटेको छ ।

सुनको भाउ आज तोलामा २ हजार ८०० रुपैयाँले घटेको छ ।

भाउ घटेर सुन आज तोलाको २ लाख ४२ हजार ६०० रुपैयाँमा कारोबार भैरहेका नेपाल सुनचाँदी व्यवसायी महासंघले जनाएको हो ।
कारोबार हुने हप्ताको अन्तिम दिन शुक्रवार सुनको भाउ तोलाको २ लाख ४५ हजार ४०० रुपैयाँ रहेको थियो । सुनको भाउ लगातार घट्न थालेको एक हप्ता भैसकेको छ ।

चाँदीको भाउ पनि घटेको छ ।
तोलामा ४५ रुपैयाँले घटेर चाँदी आज तोलाको ३ हजार ६५ रुपैयाँमा झरेको छ ।
अस्ति शुक्रवार चाँदीको भाउ तोलाको ३ हजार ११० रुपैयाँ रहेको थियो । अन्तर्राष्ट्रिय बजारमा नै सुनचाँदीको भाउ एक वर्षयताकै न्यून विन्दुमा झरेको छ ।
सुनचाँदीको भाउ घटेको यो बेला उपभोक्ताले भने किन्न पाएका छैनन् ।
बैंकहरूले सुन आयात नगर्दा बजारमा अभाव देखिएको र अर्डर लिन तथा खरिद गर्न आएका खरिदकर्तालाई फर्काउनु परेको नेपाल सुनचाँदी व्यवसायी संघका अध्यक्ष महेन्द्ररत्न शाक्यले नेपाल खोज खबर लाई बताउनुभएको छ ।
