समाचार सारांश
Auto Generated by AI
- काभ्रेको नमोबुद्धमा झापाबाट काठमाडौँ आउँदै गरेको माइक्रो बस दुर्घटना भएको छ।
- दुर्घटनामा चालकसहित तीन जना घाइते भएका छन्।
- सुरक्षाकर्मीको टोलीले घाइतेको उद्धार गरी धुलिखेल अस्पताल पठाएको छ।
काठमाडौ -बीपी राजमार्ग अन्तर्गत काभ्रेको नमोबुद्ध नगरपालिका-२, सेल्फीडाँडामा माइक्रो बस दुर्घटना हुँदा तीन जना घाइते भएका छन् ।
- Advertisement -
झापाबाट काठमाडौं आउँदै गरेको बा ३ ख ८४५९ नम्बरको माइक्रो बस राति करिब २ बजे सडकबाट अन्दाजी २ सय मिटर तल खसेको हो ।
जिल्ला प्रहरी कार्यालय काभ्रेका अनुसार दुर्घटनामा चालक इलाम नगरपालिका- ६ का ३७ वर्षीय लोक बहादुर सेन्चुरी, काभ्रेको भुम्लु-७ की २६ वर्षीया रिता आपागाईं र उनका ९ वर्षीय छोरा रितिक घाइते भएका छन् ।
उनीहरुलाई नेपाली सेना, नेपाल प्रहरी र सशस्त्र प्रहरीको टोलीले उद्धार गरी उपचारका लागि धुलिखेल अस्पताल पुर्याएको छ ।
