समाचार सारांश
Auto Generated by AI
- नेपाली कांग्रेसको १५औँ महाधिवेशनमा गगनकुमार थापाले सभापति पदका लागि उम्मेदवारी दर्ता गराउनुभएको छ ।
- वर्षा र यातायातमा भएको असहजताका कारण निर्वाचन समितिले उम्मेदवारी दर्ताको समय १ घण्टा थपेर बेलुकी ७ बजेसम्म पुर्याएको थियो ।
- सभापति पदका लागि यसअघि श्यामकृष्ण खड्गीले पनि उम्मेदवारी दर्ता गराउनुभएको छ ।
काठमाडौ – नेपाली कांग्रेसको १५औँ महाधिवेशनअन्तर्गत सभापति पदमा गगनकुमार थापाले उम्मेदवारी दर्ता गराउनुभएको छ ।
थापाले केहीबेरअघि राष्ट्रियसभा गृहमा पुगेर सभापति पदका लागि उम्मेदवारी दर्ता गराउनुभएको हो । उहाँले बेलुका ६ बजेर ५ मिनेटमा मनोनयन दर्ता गराउनुभयो ।
- Advertisement -
यसअघि निर्वाचन समितिले उम्मेदवारी दर्ताको समय बेलुकी ६ बजेसम्मका लागि तोकेको थियो । तर काठमाण्डाै उपत्यकासहित देशका विभिन्न भागमा भएको अविरल वर्षा र त्यसले आवागमनमा पारेको असरका कारण केही आकाङ्क्षीहरू समयमै पुग्न नसक्ने अवस्था देखिएपछि समितिले समयसीमा १ घण्टा थपेर बेलुकी ७ बजेसम्म पुर्याएको थियो ।
यसअघि सभापति पदका लागि श्यामकृष्ण खड्गीले पनि उम्मेदवारी दर्ता गराउनुभएकाे छ ।
– न्युज एजेन्सी नेपाल
