- ठमेलमा युवतीमाथि दुर्व्यवहार गर्ने एक युवक पक्राउ परेका छन्।
- सम्बन्धित भिडिओ सामाजिक सञ्जालमा भाइरल भएपछि प्रहरीले उनलाई नियन्त्रणमा लिएको हो।
- आरोपीमाथि थप अनुसन्धान र कानुनी कारबाही अघि बढाइने भएको छ।
काठमाडौं ।पर्यटकीय क्षेत्र ठमेलको सडकमा युवतीमाथि दु र्व्यवहार गरेको आरोपमा एक युवक प क्राउ परेका छन् ।
काठमाडौं उपत्यका अ पराध अनुसन्धान कार्यालयले ती आरोपीलाई शनिबार नियन्त्रणमा लिई जिल्ला प्रहरी परिसर, काठमाडौं बुझाउने तयारी गरेको छ ।
जिल्ला प्रहरी परिसर काठमाडौंका प्रमुख एवम् एसएसपी दिलीप घिमिरेले आरोपीमाथि थप अनुसन्धान र कारबाही प्रक्रिया अघि बढाइने जानकारी दिए ।
केही दिनअघि ठमेलमा हिँडिरहेको अवस्थामा आफूमाथि अपरिचित युवकले संवेदनशील अ ङ्गमा छोएर दु र्व्यवहार गरेको भन्दै पीडित युवतीले मुन्स वर्ल्ड (moon’s world) नामक इन्स्टाग्राम ह्यान्डलबाट भिडिओ सार्वजनिक गरेकी थिइन् ।
सीसीटिभी फुटेजसहित सार्वजनिक उक्त सामग्रीमा ती युवकले युवतीलाई संवेदनशील अ ङ्गमा छोएपछि भएको विवाद र पुरुषले आफ्नो गल्ती अस्वीकार गरेको दृश्य देखिन्छ ।
पीडित युवतीका अनुसार उनी ठमेलको बाटो हुँदै आफ्नो घर फर्कँदै थिइन् । सोही क्रममा सडकमा हिँडिरहेका ती युवकले उनको सं वेदनशील अङ्गमा छोएर दु र्व्यवहार गरे । युवतीले तत्कालै ती रोकेर प्रतिवाद गर्दा उनले आफ्नो बचाउ गर्दै ‘मैले छोएको होइन, म त हात हल्लाउँदै हिँडिरहेको थिएँ’ भन्दै पन्छिन खोजेका थिए ।
अझ ती युवकले ‘तँ पनि इन्ट्रेस्टेड थिइस्, तैँले मसँग आँखा जुधाइस्’ भन्दै उल्टै आफूलाई नै दोषारोपण गरेको ती युवतीले बताएकी छिन् ।
वरिपरि रहेका केही व्यक्तिहरूले पनि घटनाबारे चासो व्यक्त गरेको सीसीटिभी फुटेजमा देखिन्छ । तर ती युवक निरन्तर आफ्नो गल्ती अस्वीकार गरिरहेका थिए । युवतीले ठमेलकै होटेल थ्याङ्कीबाट सीसीटिभी फुटेज प्राप्त गरेपछि मात्र युवकको नियत र झुटो दाबी एकैपटक छताछुल्ल भएको थियो । फुटेजमा युवकलाई ती युवतीले हेरेकीसम्म थिइनन् भन्ने कुरा स्पष्ट देखिन्छ । तर युवकले नियतवश उनलाई छोएर दुर्व्यवहार गरेका थिए ।
युवतीले आफू सुरक्षित नरहेको महसुस गर्दै र पछि बदला लिन सक्ने मनोवैज्ञानिक त्रासका कारण सुरुमा तत्कालै प्रहरीलाई खबर गर्न नसकेको बताएकी थिइन् । सामाजिक सञ्जालमा भिडिओ भाइरल भएसँगै प्रहरीले सक्रियता देखाएर आरोपीलाई नियन्त्रणमा लिएको हो ।
