- गायक राजन मणि र टिका पुनको स्वरमा नयाँ तीज गीत रातो सारी पारेर फरर सार्वजनिक भएको छ।
- अभिषेक मल्लद्वारा निर्देशित यस भिडियोमा नलिना मगर र नरेन्द्र चौधरीको अभिनय देख्न सकिन्छ।
- मौलिक संस्कृति र तीजको रौनक समेटिएको यो गीत अहिले विभिन्न डिजिटल प्लेटफर्ममा उपलब्ध छ।
काठमाडौ – नेपाली सांगीतिक बजारमा तीजको रौनक थप्दै गायक राजन मणि र टिका पुन को स्वरमा रहेको नयाँ तीज विशेष गीत ‘रातो सारी पारेर फरर’ सार्वजनिक भएको छ।
राजन मणिकै शब्द तथा संगीत रहेको गीतमा खेमराज गौतम को संगीत संयोजन रहेको छ। भिडियोको निर्देशन अभिषेक मल्ल ले गरेका छन्।
गीतको म्युजिक भिडियोमा नलिना मगर र नरेन्द्र चौधरी को आकर्षक अभिनय देख्न सकिन्छ। तीज पर्वको उत्साह, नेपाली संस्कृति, मौलिक भेषभूषा तथा रमाइलो नृत्यलाई समेटिएको भिडियोले दर्शकको मन जित्ने अपेक्षा गरिएको छ।
गीतको रेकर्डिङ मारुनी रेकर्डिङ स्टुडियो मा गरिएको हो भने मिक्सिङ तथा मास्टरिङ कुमार राना ले गरेका छन्। पोस्टर डिजाइन सुजन केसी ले गरेका हुन्।
तीज पर्वलाई लक्षित गर्दै सार्वजनिक गरिएको ‘रातो सारी पारेर फरर’ गीत अहिले विभिन्न डिजिटल प्लेटफर्म तथा सामाजिक सञ्जालमार्फत उपलब्ध रहेको छ। सार्वजनिक भएसँगै गीतले दर्शक तथा श्रोताबाट सकारात्मक प्रतिक्रिया बटुल्न थालेको छ।
भिडियो –
