- बुटवलमा जारी डीसीसी प्रिमियर लिगमा सिद्धार्थ रोयलले एसजिए माभेरिक्सलाई १४ रनले हरायो।
- सिद्धार्थ रोयलका मदन अधिकारीले २६ बलमा ५४ रन प्रहार गर्दै खेलको उत्कृष्ट खेलाडी बने।
- रनको लक्ष्य पछ्याएको माभेरिक्स १३१ रनमा समेटिएपछि सिद्धार्थ रोयल विजयी भयो।
बुटवल । हिजो मिति २०८३ साल जेठ ९ गते शनिबार सम्पन्न भएको सिटी एक्सप्रेस प्रस्तुत डीसीसी प्रिमियर लिग सिजन–२, एक्सपोर्ट एजुकेशनद्वारा प्रवर्द्धित प्रतियोगिताको दोस्रो खेलमा सिद्धार्थ रोयल ले एसजिए माभेरिक्स लाई १४ रनले पराजित गर्दै शानदार जित दर्ता गरेको छ।
पहिले ब्याटिङ गरेको सिद्धार्थ रोयलले निर्धारित १५ ओभरमा ८ विकेट गुमाउँदै १४५ रनको प्रतिस्पर्धात्मक योगफल तयार पारेको थियो। टोलीका लागि मदन अधिकारीले विस्फोटक ब्याटिङ गर्दै केवल २६ बलमा ५४ रन जोडे। उनले आफ्नो आकर्षक इनिङमा ४ चौका र ४ छक्का प्रहार गरेका थिए।
यस्तै ईश्वरी पुनले २९ रन, जनक न्यौपानेले २३ रन तथा जगत क्षेत्रीले २१ रनको महत्वपूर्ण योगदान दिएका थिए।
१४६ रनको लक्ष्य पछ्याएको एसजिए माभेरिक्सले निर्धारित १५ ओभरमा ६ विकेट गुमाउँदै १३१ रन मात्र बनाउन सक्यो। टोलीका लागि शुभम क्षेत्रीले संघर्षपूर्ण ५४ रन बनाए पनि जितका लागि पर्याप्त हुन सकेन।
बलिङतर्फ सिद्धार्थ रोयलका जगत क्षेत्री, जीवेश पन्त, ओम टण्डन, जनक न्यौपाने र ईश्वरी पुनले समान १–१ विकेट लिँदै टोलीको जितमा महत्वपूर्ण भूमिका खेले।
आक्रामक अर्धशतकीय इनिङ खेलेका मदन अधिकारी खेलको उत्कृष्ट खेलाडी घोषित भए।
