काठमाडौं । चर्चित पत्रकार ऋषि धमलाले नयाँ राजनीतिक दल खोल्ने प्रक्रिया अघि बढाएका छन् । धमला प्रमुख संरक्षक रहने गरी ‘जनादेश पार्टी नेपाल’ नामक दलले निर्वाचन आयोगमा दर्ताका लागि निवेदन दिएको खुलेको हो ।
निर्वाचन आयोगमा दर्ताका लागि पुगेको उक्त दलको अध्यक्षमा रमणकुमार कर्ण रहेका छन् । पार्टी निर्माणको प्रारम्भिक चरणदेखि नै आफ्नो संलग्नता रहेको पत्रकार धमलाले पुष्टि गरेका छन् । स्रोतका अनुसार धमला पत्नी एलिजा गौतमलाई उपाध्यक्ष बनाउने तयारी गरिएको छ।
दलले निर्वाचन चिन्हका रूपमा ‘हातले समातेको माइक’ राख्ने प्रस्ताव गरेको छ । धमला स्वयं दल दर्ता निवेदन दिने क्रममा आयोगमा पुगेको पाइएको छ ।
उनले दर्ता प्रक्रियापछि हाम्रो नेपाल खोजखबर संवाददाता सङ्ग कुरा गर्दै भने,
“जेन–जी पुस्ताका माग र आवाजलाई सम्बोधन गर्ने उद्देश्यले यो दल अघि बढाइएको हो।”
धमलाको पार्टी दर्ता पहलसँगै नेपाली राजनीतिमा नयाँ चर्चाको विषय थपिएको छ ।
