राप्ती – समाजमा नशा दुव्र्यसन आज एउटा गम्भीर रोगझैँ फैलिँदै गएको छ। रमाइलो र साथीभाइको बहानामा सुरु हुने यो बानी जीवनको मूल्य र सन्मान दुवै खोस्ने स्थितिमा पुर्याउँछ। धेरैले समयमै आत्मस्वीकृति गरेर यसबाट मुक्ति खोज्छन् भने कतिपय अझै पनि यसैलाई जीवनको अनिवार्य हिस्सा ठान्छन्। यसै सन्दर्भमा राप्तीसोनारी–८, बाँकेका राकेश ओलीले कविता लेखेका छ्न ।
उनको कविता यस्तो छ
जाँड पिए रक्सी पिए अनि चुरोट पनी ताने ।
नशाको तालमा तिमीलाई झापड पनी हाने ।
गलत यो नशाको आदत कस्तो अचम्म को,
पिउँने बानी लागेपछि यसैलाई सर्वश्व ठाने ।।
नपिउँने लाई नि पिलाए बोलाई बोलाई मैले,
पिएपछि सोध्दै थियाे घर जाने कि नजाने ?
जाँडरक्सीको नशामा डुबेर गलत गरिएछ नि,
अहिल्यैदेखि यो मेरै गल्ती माने कसम माने ।
पिउँदिन भन्दाभन्दै पनि लत बसिगयो हजुर,
कसम खान्छु यो जहर अब कहिल्यै नखाने ।
राकेश ओली, राप्तीसोनारी–८ बाँके
