
- नेपाली बजारमा आज सुनको मूल्य तोलामा ११०० रुपैयाँले घटेको छ।
- सुनको मूल्य प्रति तोला २ लाख ६९ हजार १०० रुपैयाँ कायम भएको छ।
- चाँदीको मूल्य पनि ८० रुपैयाँले घटेर ३ हजार ५२० रुपैयाँ पुगेको छ।
काठमाडौ -नेपाली बजारमा आज पनि सुनको मूल्य घटेको छ ।

नेपाल सुनचाँदी व्यवसायी महासंघका अनुसार सोमबार सुनको मूल्य तोलामा एक हजार १०० रुपैयाँले घटेको हो ।

महासंघका अनुसार आज सुन प्रतितोला २ लाख ६९ हजार १०० रुपैयाँमा कारोबार भइरहेको छ । आइतबार सुन प्रतितोला दुई लाख ७० हजार २०० रुपैयाँमा कारोबार भएको थियो ।

यस्तै, आज चाँदीको मूल्य पनि घटेको छ ।
चाँदी प्रतितोला ८० रुपैयाँले घटेर तीन हजार ५२० रुपैयाँ कायम भएको छ ।
आइतबार चाँदी प्रतितोला तीन हजार ६०० रुपैयाँमा कारोबार भएको थियो ।
महासंघका अनुसार आज १० ग्राम सुनको मूल्य दुई लाख ३० हजार ७१० रुपैयाँ र चाँदीको मूल्य तीन हजार १८ रुपैयाँ कायम भएको छ ।
पछिल्लो केही दिनमा सुनको मूल्य घटेर कारोबार हुँदै आएको छ ।
