समाचार सारांश
Auto Generated by AI
- आइतबार घटस्थापनासँगै बडादशैंको नवरात्र सुरु भएको छ।
- हनुमानढोकास्थित दशैं घरमा विधिपूर्वक जमरा राखिएको छ।
- वैदिक विधिअनुसार छरिएको जमरा विजयादशमीमा प्रसादका रूपमा ग्रहण गरिन्छ।
काठमाडौ – बडादशैंको पहिलो दिन घटस्थापनाका अवसरमा आइतबार काठमाडौंको ऐतिहासिक हनुमानढोकास्थित दशैं घरमा विधिपूर्वक जमरा राखिएको छ।
नवरात्रको शुभारम्भ भएसँगै वैदिक विधिअनुसार घटस्थापना गरी दशैं घरमा जमरा छर्ने कार्य सम्पन्न भएको हो।
- Advertisement -
नेपालीहरूको महान् पर्व दशैंको पहिलो दिन घरघरमा तथा विभिन्न शक्तिपीठहरूमा घटस्थापना गरी जमरा राख्ने परम्परा रहँदै आएको छ।
यस दिन बिहानै नित्यकर्म समाप्त गरी चोखो माटो वा बालुवा ल्याएर गाईको गोबरले लिपपोत गरिएको पूजाकोठा तथा दशैं घरमा जौ, गहुँ र मकै छरेर जमरा राख्ने गरिन्छ।
वैदिक मन्त्रोच्चारणका साथ स्थापना गरिएको घट र छरिएको जमरालाई विजयादशमीका दिन मान्यजनको हातबाट टीका र प्रसादका रूपमा ग्रहण गर्ने प्रचलन छ।
