पछिल्लो १२ घण्टामा लुम्बिनी प्रदेशमा भारीदेखि धेरै भारी वर्षा

काठमाडौं।पछिल्लो १२ घण्टामा लुम्बिनी प्रदेशमा भारीदेखि धेरै भारी वर्षा भएको छ।

कोशी र गण्डकी प्रदेशमा पनि भारी वर्षा भएको मौसम पूर्वानुमान महाशाखाले जनाएको छ।मौसमसम्बन्धी पछिल्लो विवरणअनुसार अहिले कोशी, मधेश, बागमती, गण्डकी र लुम्बिनी प्रदेशका विभिन्न स्थानमा हल्कादेखि मध्यम वर्षा भइरहेको छ।

असोज ८ गते बिहान ६ः१५ बजेको विवरणअनुसार ती प्रदेशका विभिन्न क्षेत्रमा वर्षा जारी रहेकाले नदी तथा खोलानालाको बहावमा समेत वृद्धि हुन सक्ने भएकाले सतर्कता अपनाउनुपर्ने देखिएको छ।