समाचार सारांश
Auto Generated by AI
- राष्ट्रियसभाको बैठक आज अपराह्न १:१५ बजे सिंहदरबारमा बस्दैछ।
- बैठकमा राष्ट्रपति कार्यालयको पत्र वाचन र विभिन्न मन्त्रालयका प्रश्नको जवाफ दिइनेछ।
- प्रधानमन्त्रीले वार्षिक प्रतिवेदन पेस गर्ने र संकल्प प्रस्ताव प्रस्तुत हुने कार्यसूची छ।
काठमाडौ – संघीय संसद्, राष्ट्रियसभाको बैठक आज अपराह्न १:१५ बजे सिंहदरबारमा बस्दैछ।
आजको बैठकमा राष्ट्रपति कार्यालयबाट प्राप्त पत्रको व्यहोरा जानकारी गराउने मुख्य कार्यसूची रहेको संघीय संसद् सचिवालयले जनाएको छ।
त्यसैगरी, बैठकमा कानुन, न्याय तथा संसदीय मामिला, शिक्षा तथा खेलकुद र कृषि, वन तथा पर्यावरण मन्त्रालयसँग सम्बन्धित मौखिक प्रश्नहरूको सम्बन्धित मन्त्रीहरूले जवाफ दिनेछन्।
बैठकमा प्रधानमन्त्री वालेन्द्र शाहले न्याय परिषद् र न्याय सेवा आयोगको आर्थिक वर्ष २०८०/८१ तथा २०८१/८२ को वार्षिक प्रतिवेदन पेस गर्ने कार्यसूची छ।
साथै, राष्ट्रियसभा सदस्य मदनकुमारी शाह गरिमा ले ‘सहायक प्रजनन प्रविधिको प्रयोग नियमन गर्न कानुन निर्माणसम्बन्धी’ संकल्प प्रस्ताव प्रस्तुत गर्ने कार्यक्रम रहेको छ।
