कांग्रेसकाे सम्पूर्ण एकताका लागि पन्ध्रौं महाअधिबेशन लाई एकता महाअधिबेशन बनाउन याेगीकाे आग्रह

रतन बहादुर रावल मुगु-देश महाविपत्तिको सामना गरिरहेका बेला नेपाली कांग्रेसभित्र फरक–फरक महाधिवेशन कार्यतालिका सार्वजनिक हुनु दुःखद् र चिन्ताजनक भएको कांग्रेसका प्रचार प्रसार बिभाग निवर्तमान केन्द्रीय सदस्य योगी अशोकनाथ योगीले बताएका छन्। उनले पार्टीभित्र देखिएको असमझदारी अन्त्य गर्दै संवाद, सहमति र सम्पूर्ण एकताको बाटोमा अघि बढ्न नेतृत्वसँग आग्रह गरेका छन्।

श्रीकृष्ण जन्माष्टमी र गाैरापर्बकाे धार्मिक ऐतिहासिक महान पर्बको अवसरमा शुभकामना सन्देश जारी गर्दै योगीले राष्ट्रिय एकताका साथ उद्धार, राहत तथा पुनःस्थापनाका कार्यमा जुट्नुपर्ने संवेदनशील समयमा पार्टीभित्रको आन्तरिक विवादले शुभेच्छुक तथा अन्य राजनीतिक दलका नेता–कार्यकर्तामा समेत चिन्ता उत्पन्न गरेको उल्लेख गरेका छन्।
“अब विवाद होइन—संवाद र सहमति। अब विभाजन होइन—सम्पूर्ण एकता। दुईवटा कार्यतालिका होइन—एउटै साझा कार्यतालिका निर्माण गरौँ,” योगीले भनेका छन्।
उनले सानेपा र चुनदेवीबाट सार्वजनिक भएका फरक–फरक महाधिवेशन कार्यतालिकालाई अन्त्य गरी सबै पक्षको सहमतिमा एउटै कार्यतालिका बनाउनुपर्ने बताएका छन्।

चारै पक्षलाई एउटै गोलमेचमा बस्न आग्रह:-
योगीले कांग्रेसभित्र देखिएका विवादलाई दुई पक्ष वा दुई व्यक्तिको विषयका रूपमा मात्र नहेरी संस्थागत समाधान खोज्नुपर्ने बताएका छन्। उनले अस्तित्वमा देखिएका विशेष गरि चारै पक्षलाई एउटै गोलमेचमा बसाएर संवाद र सहमतिमार्फत पार्टी एकताको स्पष्ट निर्णय गर्नुपर्ने धारणा राखेका छन्।
उनका अनुसार निर्वाचन चिह्न, झण्डा,लेटरप्याडको अधिकार तथा आफूअनुकूल नेतृत्व स्थापित गर्ने मनोवृत्तिभन्दा माथि उठेर पार्टीको संस्थागत हित र भविष्यलाई प्राथमिकतामा राख्नुपर्ने अवस्था आएको छ।
“अब विषय दुई पक्ष र दुई व्यक्तिमा मात्र सीमित छैन। देखिएका चारै पक्ष एउटै ठाउँमा बसौँ, संवाद गरौँ, सहमति गरौँ र कांग्रेसको एकताका लागि स्पष्ट निर्णय गरौँ,” योगीको आग्रह छ।
क्रियाशील सदस्यता आफुले अद्यावधिक नगर्नु सांकेतिक दबाब भएको दाबी
क्रियाशील सदस्यता अद्यावधिक गर्ने समय थपिँदासमेत सार्थक संवाद र सहमति हुन नसकेको अवस्थामा आफूले सदस्यता अद्यावधिक नगर्ने निर्णय गरेको योगीले स्पष्ट पारेका छन्।
उनले उक्त निर्णय कुनै नेता वा साथीप्रति दूरी सिर्जना गर्ने उद्देश्यले नभएको उल्लेख गर्दै अद्यावधिक गरेका वा नगरेका सबै नेता तथा कार्यकर्तासँग समान र सम्मानजनक व्यवहार रहने बताएका छन्।
“क्रियाशील सदस्यता अद्यावधिक नगर्ने मेरो निर्णय दूरी बढाउनका लागि होइन। यो फरक मत दर्ज गर्दै पार्टी एकताको पक्षमा सांकेतिक दबाब सिर्जना गर्न गरिएको निर्णय हो,” उनले भनेका छन्।
योगीले अहिले पार्टीको प्राथमिकता नै परिवर्तन गर्नुपर्ने आवश्यकता औँल्याएका छन्। उनका अनुसार वर्तमान अवस्थामा मुख्य प्रश्न व्यक्तिगत पद,अहंकार,उत्तेजना, गुट वा नेतृत्वको प्रतिस्पर्धाभन्दा माथि उठेर पार्टी एकता र विपद्मा परेका नागरिकको उद्धार तथा राहत हुनुपर्छ।
‘आजका प्रमुख प्रश्न पार्टी एकता र विपद् व्यवस्थापन हुन्’
योगीले अहिले कांग्रेससामु मुख्यतः चारवटा प्रश्न रहेको बताएका छन्—
दुईवटा महाधिवेशन कार्यतालिकालाई कसरी एउटै बनाउने?
पार्टीलाई कसरी एकताबद्ध बनाउने?
महाविपत्तिमा परेका नागरिकको घाउमा कसरी मलम लगाउने?
उद्धार, राहत तथा पुनःस्थापनाको प्रभावकारी प्याकेज तत्काल कसरी सुरु गर्ने?
उनले महाविपत्तिको समयमा राजनीतिक विवादलाई प्राथमिकता दिनुभन्दा जनताको जीवनरक्षा, उद्धार र राहतलाई पहिलो प्राथमिकतामा राख्नुपर्ने बताएका छन्।
‘पन्ध्रौँ महाधिवेशनलाई एकता महाधिवेशन बनाऔँ’
योगीले नेपाली कांग्रेसको पन्ध्रौँ महाधिवेशनलाई विभाजनतर्फ जाने नभई **‘एकता महाधिवेशन’**का रूपमा अघि बढाउनुपर्नेमा जोड दिएका छन्।
उनले भनेका छन्—
“एकता नै शक्ति हो। एकता नै आजको प्रमुख एजेन्डा हो। पन्ध्रौँ महाधिवेशनलाई एकता महाधिवेशन बनाऔँ। पदभन्दा पार्टी ठूलो हो, व्यक्तिभन्दा कांग्रेस ठूलो हो।”
योगीले कांग्रेसलाई पुनः एकता, लोकतन्त्र, राष्ट्रियता, सिद्धान्त, विचार र जनविश्वासको शक्तिका रूपमा स्थापित गर्न सबै पक्ष जिम्मेवार भएर अघि बढ्नुपर्ने बताएका छन्।

पूर्णबहादुर खड्काको संयमित परिपक्व राजनीतिक बाटोको प्रशंसा:-
नेपाल सरकारका पूर्व कार्यवाहक प्रधानमन्त्री एवं नेपाली कांग्रेसका निवर्तमान कार्यवाहक सभापति पूर्णबहादुर खड्काले लिएको संयमित र एकतामुखी राजनीतिक बाटोप्रति आफू सकारात्मक रहेको योगीले बताएका छन्।
उनका अनुसार पार्टीको केन्द्रीय शीर्ष नेतृत्वको सम्मानजनक सहभागिता र सहमतिबिनाको महाधिवेशनले पार्टीको आन्तरिक एकतालाई थप कमजोर बनाउने जोखिम रहन्छ।
“केन्द्रीय शीर्ष नेतृत्वको सम्मानजनक सहभागिताबिना हुने महाधिवेशनको अर्थ रहँदैन। महाधिवेशन पार्टी जोड्ने माध्यम बन्नुपर्छ, पार्टी फुटको कारण बन्नु हुँदैन,” योगीले उल्लेख गरेका छन्।
उनले सन्त नेता कृष्णप्रसाद भट्टराई ‘किसुनजी’ले अवलम्बन गरेको एकता, सत्य र निष्ठाको राजनीतिक बाटो आज पनि परिपक्व राजनीतिको उदाहरण भएको त्याे बाटाेमा पाटीकाे सम्पूर्ण एकताकाे पक्षमा श्रद्वय नेता पूर्ण बहादूर खड्का उभिनु प्रशंशनिय रहेकाे एकताकाे आशा जिबित रहेकाे याेगीले बताएका छन्।
‘लोभ,मोह र आश्वासनभन्दा माथि उठौँ’
योगीले वर्तमान अवस्थामा व्यक्तिगत स्वार्थ,लोभ,मोह र आश्वासनभन्दा माथि उठेर मानवतावाद, सनातन मूल्य–मान्यता, राष्ट्रवाद, लोकतन्त्र र पार्टी एकतालाई प्राथमिकता दिनुपर्ने बताएका छन्।
उनका अनुसार देश र पार्टी दुवै संवेदनशील अवस्थामा रहेका बेला अहंकार र हठले समस्या समाधान नगर्ने भएकाले सबै पक्षले संयम अपनाउन आवश्यक छ।
“पार्टीको सम्पूर्ण एकता र बृहत् राष्ट्रिय एकताबिना केही पनि सम्भव छैन। अहंकार त्यागौँ, संयम बनाऔँ, एकताको वातावरण निर्माण गरौँ र सहमतिमा पुगौँ,” योगीले अपिल गर