समाचार सारांश
Auto Generated by AI
- राप्रपा नेता विक्रम पाण्डेले रसुवाका बाढीपीडितका लागि एक करोड रुपैयाँ सहयोग गर्ने घोषणा गरेका छन्।
- उक्त रकम राहत, खाद्यान्न, औषधोपचार र पुनर्निर्माणका लागि खर्च गरिने भएको छ।
- पाण्डेले विपद्को समयमा सबैलाई पीडितको सहयोगका लागि अगाडि आउन आग्रह गरेका छन्।
काठमाडौ -राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष एवं पूर्वमन्त्री विक्रम पाण्डेले रसुवाका बाढीपीडितको उद्धार, राहत तथा पुनर्स्थापनाका लागि १ करोड रुपैयाँ सहयोगको घोषणा गरेका छन्।
रसुवामा आएको भीषण बाढी र पहिरोले पुर्याएको क्षतिप्रति दुःख व्यक्त गर्दै नेता पाण्डेले उक्त रकम सहयोग गर्ने प्रतिबद्धता गरेका हुन्।
बाढीबाट प्रभावित परिवारलाई तत्काल खाद्यान्न, अस्थायी आवास, औषधोपचार तथा पुनर्निर्माणमा सहयोग पुगोस् भन्ने उद्देश्यले उक्त सहयोग उपलब्ध गराउन लागिएको उनले बताए।
‘विपद्को यो कठिन घडीमा पीडित परिवारलाई साथ दिनु र उहाँहरूको घाउमा मलम लगाउनु हामी सबैको मानवीय कर्तव्य हो,’ पाण्डेले भनेका छन्।
उनले अन्य संघ-संस्था तथा व्यक्तिहरूलाई पनि रसुवाका बाढीपीडितको सहयोगका लागि अगाडि आउन आग्रह गरेका छन्
