समाचार सारांश
Auto Generated by AI
- काठमाडौंको बानेश्वरमा ड्युटीमा खटिएकी महिला प्रहरीमाथि हातपात भएको छ।
- आकाशे पुल प्रयोग गर्न आग्रह गर्दा जुम्लाका २७ वर्षीय राज कठायतले प्रहरीमाथि जाइलागेका हुन्।
- आरोपी कठायतलाई प्रहरीले तत्कालै नियन्त्रणमा लिएर आवश्यक कारबाही अगाडि बढाएको छ।
काठमाडौं । काठमाडौंको बानेश्वरस्थित महिला प्रहरीमाथि हातपात भएको छ।
आज काठमाडौंको बानेश्वरमा खटिएकी महिला प्रहरी जवानमाथि एक पुरूषले हातपात गरेका हुन्। जिल्ला प्रहरी परिसर काठमाडौंका एसपी दानबहादुर थापाका अनुसार ती पुरूषलाई पक्राउ गरिएको छ।
- Advertisement -
पक्राउ पर्नेमा जुम्ला तातोपानी गाउँपालिका वडा २ घर भई हाल बानेश्वर-१० मा बस्ने २७ वर्षका राज कठायत छन्। महिला प्रहरी जवानले जथाभावी बाटो काट्न खोजेका ती पुरूषलाई आकाशे पुलको प्रयोग गर्न अनुरोध गरेका थिए।
त्यसै क्रममा प्रहरी जवानमाथि ती पुरूषले हातपात गरेका थिए। हातपात गरेलगत्तै प्रहरीले उनलाई नियन्त्रणमा लिएकाे छ ।
