समाचार सारांश
Auto Generated by AI
- पछिल्लो २४ घण्टामा ट्राफिक नियम उल्लंघन गर्ने १८१३ जना चालक कारबाहीमा परेका छन्।
- कारबाहीबाट राज्य कोषमा ५ लाख २८ हजार ५०१ रुपैयाँ राजस्व संकलन भएको छ।
- मादक पदार्थ सेवन, तीव्र गति र लेन अनुशासन उल्लङ्घन गर्ने चालकहरू बढी कारबाहीमा परेका छन्।
काठमाडौ – बितेका २४ घण्टामा एक हजार ८१३ सवारी चालक सवारी नियम उल्लङ्घनको कारबाहीमा परेका छन्।
यसबाट राज्य कोषमा रु पाँच लाख २८ हजार ५०१ राजस्व दाखिला भएको छ।
काठमाडौं उपत्यका ट्राफिक प्रहरी कार्यालयका अनुसार मादक पदार्थ सेवन गरेको नौ, नियम विपरीत ‘राइड सेयरिङ’ गरेका १०५, सङ्केत बत्ती उल्लङ्घनकर्ता ११९ र तीव्र गतिमा सवारीसाधन हुइँक्याएका ११५ जनालाई कारबाही गरिएको हो।
यसैगरी, ‘लेन’ अनुशासन पालना नगर्ने १०२, निषेधित क्षेत्रमा हर्न बजाउने ७९, सडक पेटीमा ‘पार्किङ’ गर्ने ११७, एकतर्फी सडकमा सवारी चलाउने ६५ र अन्य सवारी नियम पालना नगरेका एक हजार ११० जनालाई कारबाही गरिएको हो।
