मुगु रतन रावल — लायन्स जिल्ला परिषद् ३२५ एफ ले रारा तालमा क्याबिनेट बैठक सम्पन्न गरेपछि मुगु जिल्लाको छायाँनाथ रारा नगरपालिका वडा नं. ७ र ८ मा रहेका तीन वटा विद्यालयका विद्यार्थीलाई विद्यालय झोला वितरण गरेको छ।
कार्यक्रम अन्तर्गत श्री नेपाल आधारभूत विद्यालय पिनाका ६२ जना, श्री महादेव आधारभूत विद्यालय झ्यारिका ६४ जना तथा श्री मालिका आधारभूत विद्यालय चूगाका १७ जना विद्यार्थीलाई विद्यालयमा जाँदा प्रयोग हुने झोला हस्तान्तरण गरिएको हो।
झोला वितरण कार्यक्रममा लायन्स जिल्ला परिषद् ३२५ एफ का डिस्ट्रिक्ट गभर्नर लायन केशर भण्डारी, लायन प्रनिता बराल, लायन चाँदनी घिमिरे, लायन राजेश हिलामय, लियो निर्मल राज शाही तथा छायाँनाथ रारा नगरपालिकाका नगर उप–प्रमुख ऐश्वर्या शाही मल्ल लगायत विभिन्न राजनीतिक दलका प्रतिनिधिहरूको उपस्थिति रहेको थियो।
कार्यक्रममा बोल्दै डिस्ट्रिक्ट ३२५ एफ का गभर्नर ला
यन केशरबहादुर भण्डारीले लायन वर्ष २०२५/०२६ का लागि अघि सारिएका मानवीय सेवाका महत्वपूर्ण कार्यक्रमहरू क्रमशः कार्यान्वयन हुँदै आएको बताउनुभयो। उहाँले दुर्गम क्षेत्रका विद्यार्थीलाई विद्यालय आउजाउ तथा अध्ययनमा केही सहज होस् भन्ने उद्देश्यले झोला वितरण गरिएको उल्लेख गर्नुभयो।
गभर्नर भण्डारीले आगामी दिनमा पनि दुर्गम क्षेत्रका बालबालिकाको शिक्षा तथा आवश्यकताका लागि सहयोग गर्दै जाने प्रतिबद्धता व्यक्त गर्नुभयो।
