गोकर्ण पाण्डे गुल्मी – गुल्मीमा मोटरसाईकल दु`र्घटना हुदा एक जनाको ज्यान गएको छ ।
मदन भण्डारी राजमार्ग अन्तरगत तम्घास सिमलटारी सडक खण्ड अन्तरगत इस्मा गाउपालिका १ भाराह खोलामा मोटरसाईकल दुर्घटना भएको हो ।
झरनाबाट तम्घास तर्फ आउंदै गरेको लु ५६ प ८४२६ नं.को २०० सि.सि. को NS पल्सर मो.सा. अनियन्त्रित भई दुर्घटना हुँदा पछाडी सवार रेसुङ्गा नगरपालिका २ बस्ने बर्ष २६ को सरोज बस्नेतको ज्यान गएको जिल्ला प्रहरी कार्यालय गुल्मीले जानकारी दिएको छ ।
मोटरसाइकल चालक रेसुङ्गा न.पा.२ बाख्रेछेडा बस्ने बर्ष २७ का मोहन बस्नेत रहेका छन्। दुर्घटनामा परेको मोटरसाइकल मदनभण्डारी राजमार्गको पक्की सडकबाट १५ मिटर तल खसेको छ