अर्जुन थापा (अर्घाखाँची) — शुभ दीपावली र छठ पर्वको अवसर पारेर सन्धिखर्क नगरपालिका–६ नरपानीमा “स्व. डा. दुमनसिंह थापा स्मृति कप–२०८२” खुला वडास्तरीय भलिबल प्रतियोगिता आयोजना हुने भएको छ।
सामूहिक गंगा सरोवर युवा क्लब नरपानी–६ द्वारा आयोजित यो प्रतियोगिता “ स्वर्गीय डा. दुमन सिंह स्मृति कप” को दोस्रो संस्करणका रूपमा सञ्चालन हुने छ। प्रतियोगितामा नरपानी र आसपासका विभिन्न क्लब तथा टिमहरूको सहभागिता रहने आयोजक समितिले जानकारी दिएको छ।
“स्वास्थ्यका लागि खेलकुद, राष्ट्रका लागि खेलकुद” भन्ने नारासहित असोज २९ गते बिहान ११:०० बजेबाट नरपानी बजारमा खेलको उद्घाटन हुने कार्यक्रम संयोजकले बताएका छन्। खेलकुदको माध्यमबाट युवामा अनुशासन, स्वस्थ प्रतिस्पर्धा र सामूहिकताको भावना अभिवृद्धि गर्ने उद्देश्यले यो प्रतियोगिता आयोजना गरिएको हो।
प्रतियोगितामा विजेता टिमलाई रु. ३५,५०५ सहित कप, मेडल र प्रमाणपत्र प्रदान गरिने छ। त्यस्तै दोस्रो स्थान प्राप्त टिमले रु. २५,२०५ र तेस्रो स्थान प्राप्त टिमले रु. १५,१०१ सहित कप, मेडल र प्रमाणपत्र प्राप्त गर्नेछन्।
सहभागी हुन इच्छुक टिमहरूले असोज २८ गते दिउँसो ३:३० बजेसम्म दर्ता गर्न सक्नेछन्। दर्ता शुल्क रु. ३,००० तोकिएको छ। खेलका सम्पूर्ण नियमहरू नेपाली भलिबल संघको मापदण्डअनुसार लागू हुने र आयोजक समितिको अन्तिम निर्णय नै मान्य हुने जनाइएको छ।
कार्यक्रमका प्रमुख आयोजक अरुन रायमाझी र चन्द्र पाण्डे का अनुसार, “युवामा खेलप्रति रुचि बढाउँदै स्थानीय स्तरमै प्रतिभा पहिचान र प्रोत्साहन गर्ने उद्देश्यले प्रतियोगितालाई निरन्तरता दिइएको बताएका छ्न ।
त्यस्तै, अन्य संस्थाका पदाधिकारीहरूले खेलकुदमार्फत जिल्लामा नयाँ खेलाडी जन्माउने र युवामा खेलप्रतिको चेतना अभिवृद्धि गर्ने उद्देश्य रहेको बताएका छन्। आयोजक समितिले सबै खेलप्रेमीहरूलाई उपस्थिति जानाइ कार्यक्रमको शोभा बढाइदिन हार्दिक अनुरोध गरेको छ।
सम्पर्क: अध्यक्ष – अरुन रायमाझी (९८४५०६६५०४)सचिव – सुदीप पाण्डे (९८६७९२७७४८) चन्द्र पाण्डे (९८६७९२६६४८)
