कपिलवस्तु — कपिलवस्तु जिल्लाको गोरुसिंघेमा आज साँझ करिब ५ बजे भएको सडक दुर्घटनामा झापा निवासी लोशन पौडेलको मृत्यु भएको छ।
प्रहरीका अनुसार पौडेल पूर्वबाट पश्चिमतर्फ मोटरसाइकलमा सवार भएर जाँदै गर्दा अगाडि रहेको इभि (इलेक्ट्रिक भेहिकल) ओभरटेक गर्ने क्रममा दुर्घटना भएको हो। सो क्रममा विपरीत दिशाबाट आइरहेको स्कर्पियो गाडीले हल्का ठक्कर दिएको आशंका गरिएको छ।
दुर्घटनामा गम्भीर घाइते भएका पौडेललाई उपचारका लागि अस्पताल पुर्याइएको थियो, तर उपचारकै क्रममा उनको मृत्यु भएको प्रहरीले जनाएको छ।
घटना भएको स्थानमा हाल सडक निर्माण कार्य भइरहेको भए पनि दुर्घटना उक्त निर्माण कार्यका कारण नभएको प्रहरीको प्रारम्भिक निष्कर्ष छ।